Shillong: Ka National Girl Child Day da lehwarom ya ka ynne ka sngi ha Shillong wei ya kani ka lehwarom da pynman da ka District Task Force on Beti Bachao, Beti Padhao, East Khasi Hills District chirup wa ka District Programme Officer, ICDS, East Khasi Hills District ha U Soso Tham Auditorium, Shillong.
Ka M. N. Nampui, Secretary to the Government of Meghalaya, Social Welfare Department da man ko kam ka kongsan hei emlang ka M. War Nongbri, Deputy Commissioner & Chairperson, District Task Force, East Khasi Hills, ki sahep ka chnat Social Welfare, Health, Education Department wa kiwi kiwi.
Ka M. N. Nampui da ong ko wa ka thong yong kani ka lehwarom toh wow pynsñiawthooh ya ki paidbah hajrong i eh i khoo ki kynthai ha ka imlang sahlang.
Da pynsñiaw ki leh yei emkaam wow yoh ki yei chait i khiah wa paka deiwa kyntu ya ki manbei manpa wow wan e dawai ya ki khon yong ki khamtam heipor wa e dawai ka sorkar.
Ka Nampui da yahkhmat ko leh wow khlai ya ki kyntien kular yong ka Beti Bachao, Beti Padhao.
Ha kani ka sngi da em leh ka Exhibition cum Sales yong ki mar wa chna ki SHG na ki block ka District, i pynyoo kammon wow yada ya i dæ, ka Sukanya Samridhi Yojana Kiosk, wa kiwi kiwi.
Discussion about this post