Da lehwarom ya ka National Milk Day ha Shillong

Shillong: Ka lehwarom wa tip kam ka National Milk Day kawa da sdang nadooh ka 26 Khonchonglad 2014, kam ka dak wow kynmoowarom ya ka sngikha u Fater of White Revolution, u Dr .Verghese Kurien, da lehwarom ya ka ynne ka sngi ha State Central Library Auditorium, Shillong heiwa u symbood montri rangbah ka jylla, uwa man leh u montri ka chnat Animal Husbandry & Veterinary u Prestone Tynsong da man u kam u kongsn.

Hawa e i klam ha kani ka sngi heiwa da em kiwa psan masi, ki Cooperative Societies wa ki khynnah skur, u Prestone da khana u yei emkaam wow kyntu ya i myntoi na i dih dud wei ya kani ka sngi da lehwarom nyngkong dooh hapoh ka jylla ynne ka sngi.

Da ong u wa ki bru hi artatien ki wow dih dud neibhah wa em kiwa da khleh um wa kiwi kiwi deiwa ong wa da toh wow booh kyndon wow bood heiyatoh wa kiwa dai dud. Da pyntip u leh wa ha uni u snem ka National Cooperative Development Corporation da e yarap ko ya ka jylla hadooh T. 215 klur wow pynjanai yei pynmih dud hapoh ka Milk Mission. Da pyntip u leh wa ka sorkar thrang ko wow booh ya ka thaw heiwa ym duna ya ka 95 percent toh kiwa psan masi wei yeini daw leh khnang wow pyntikna wa ki bru ka jylla yoh dud ki man ka sngi.

Chwa ini u Additional Chief Secretary and Agriculture Production Commissioner, u KN Kumar da pyntip u wa hapoh jylla na ki masi waroh du 3 percent toh ki masi khleh (crossbred) katwa kiwa tam won toh kiwa na ka thaaiñ hi. Da pyntip u leh wa i pynmih dud da ku i na ka 64 MT ha u snem 2001-2002 cha ka 82 MT ha kini ki chiphaw snem wei hanlada duna kiwa dih dud hapoh jylla tangwa da ku i da 3 percent man u snem.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da pyntip u leh wa ka Meghalaya Milk Mission daw pynwandur ko ya i rukom pynmih dud, i psan masi wa kiwi kiwi.

Ha kani ka sngi da saam leh ya ka khusnaam wa tip kam ka Outstanding Dairy Farmer, Outstanding Cow, Red FM Online Quiz, Quiz wa Essay Competition kawa man chibynta yong kani ka lehwarom.

Ha kani ka sngi da booh leh ya ki dukan, i lehke, wei da pynyoo leh ya ka Documentary Film, “All You Need Is Milk”, wa pynkhreh da ka chnat Animal Husbandry and Veterinary.

Ha kani sngi da emlang u Secretary, AH & Vety, Dr. C. Manjunatha, Director, A H & Vety, Dr. C. Shilla, Priston Roy Kharbteng, Chairman, Shillong Milk Union wa kiwi kiwi.