Jop ka Mookyndur ha ka 3rd Division wa ka Khimusniang ha ka Super Division

Jowai: Ha ka 3^rd Division ka WJDSA wa pynman ynne ka sngi, ka Mookyndur da yachem ko waka Dongmihsngi.

Ha kani ka yalehke ka Mookyndur da jop ko ya ka Dongmihsngi da 3-1.

Ya ka Mookyndur da thap kool da u Heiniwan Phawa ha ka minit wa 3 wa 35 wa u Careful Suting ha ka minit wa 52 katwa ya ka Dongmihsngi da thap da u Shaphrang Thabah ha ka minit wa 22.

Ha ka Super Division won ka Khimusniang da pynrem ko ya ka Dulong da 4-2.

Related posts

Psiah Final sa ka Moodymmai ha ka Independence Cup ka Thadlaskein Sports Association

August 13, 2026

Psiah Final ka Goodwill FC Mupliang ha ka Independence Cup ka TSA

August 12, 2026

Ya ka Khimusniang da thap kool da u Daiakmenlang Dkhar ha ka minit wa 65 wa 80, u Amazing Paslein ha ka minit wa 74 wa u Sanwot Niangti uwa yalehke ka Dulong uwa thap bakla (Own Goal) ha ka minit wa 4.

Ya ka Dulong da thap kool da u Wansa-o Laloo ha ka minit wa 7 wa u Wailad Niangti ha ka minit wa 82.

Da ini i rem ka Dulong da hiar kyrdan ko cha ka 1st Division ha u snem wow wan.