Khliehriat: Kam chibynta yong ka sngikha wa 144 yong u Sardar Vallabhbhai Patel, da lehwarom ya ka Rashtriya Ekta Diwas (National Unity Day) wa Rashtriya Sankalp Diwas ha East Jaiñtia Hills District, ynne ka sngi ha Conference Room ka yung krehkaam u Deputy Commissioner.
Ha kani ka lehwarom da em u S.S. Syiemlieh, Additional Deputy Commissioner, u S. Marwein, EAC, East Jaiñtia Hills District, wa ki sahep na ki chnat waphær waphær.
U S.S. Syiemlieh da ong u wa da lehwarom ya kani ka sngi kam ka dak wow pynchlur yei man iwi donhi hapoh ka ri.
Da ong u leh wa kani ka lehwarom ym du man ko neibynta ka sngikha u Sardar Vallabhbhai Patel uwa da wanrah yei yatylli tangwa wot wow lehwarom yei skem ka ri wow leh pyrchah ya kiwa choon ya ka.
U Syiemlieh da yahkhmat u leh wow khlai ya ki kyntien kular yong kani ka sngi.
Ha kani ka sngi da pynman leh ya ka yakob phet pyllah namo ka Run for Unity wa da pynman da ma yung krehkaam District Sports Officer, East Jaiñtia Hills ha kawa da chimbynta da ki khynnah wa ki khynroo khyllood ka district kiwa da phet ha ka luti wa jngai 10 km na yung krehkaam u Deputy Commissioners chadooh cha loom tlep-bru ka Rymbai wei da uiñ biang na i thaw wa sdang.
Kamwa 256 ngut ki khynnah khynroo wa khyllood da ya chimbynta ki, heiwa haka yong ki chynrang da yoh nyngkong u Dising Phawa, wa ar u Rubi Sana, wa le u Dinga Dkhar.
Ha ki kynthai won da jop ka Wada Dkhar, wa ar ka Phytnai Kyndait, wa le ka Rikynti Sana. Da e leh yaka khusnam cha u Ridame Sana kam uwa chimbynta wa khian rta dooh.
Ya ki khusnaam cha kiwa jop ha kani ka yakob da saam da u S. Marwein, EAC, East Jaiñtia Hills.
Discussion about this post