Shillong: Kam chibynta wow lehwarom ya ka sngi NCC Day, da pynman ya ka programme ynne ka sngi ha Raj Bhavan, Shillong heiwa u lat ka jylla, u Tathagata Roy da man u kam u kongsan.
U Lat hawa e yei klam da yaroh u ya i chakri wa e ka NCC ya ka ri wa i ye ka NCC wow pynwandur ya i rukom im ki khynroo khyllood deiwa pynrap wa i yatylli wa i akor toh ki ar tylli ki chrot wa emkaam u ksoh ki dkhot ka NCC.
Ha kani ka sngi u lat da e khusnaam u leh ya ki dkhot ka NCC wa kynthup ya ki Cadet, GCI, ANO wa ki Civilian Staff.
Ka lehwarom ya kani ka sngi da wan sakhi da u Maj. Gen. Bipin Bakshi, VSM, ADG, NCC Directorate, NER, ki heh ka NCC Directorate, NER wa kiwi kiwi.
Ha uni u snem kawi na ki kaam wa khroo wa da ye u leh da ka NCC Directorate, NER toh wow pyndep ya ka Brahmaputra Sailing Expedition na Biswanath Chariali, Tezpur cha Guwahati. Ha kani ka Expedition da khana ya ka parom ka NCC ha India wa khamtam ha ka thaaiñ.
Discussion about this post