Jowai: U Phasmon Dkhar uwa man kam u Spokesperson ka NPP Parliamentary Party JHADC, da kyntait u yeiwa em i tyngkheiñ u Deputy Chairman yaka hukum ka Meghalaya High Court katkam wa da pynbaad ka liang pyrchah ka JHADC.
U Phasmon da ong u wa ka High Court haka hukum da ong ko wa ka dorbar ka JHADC toh u man hi ko katkam wa da booh tarik wei da e bor ya u Deputy Chairman wow pynman yaka dorbar katkam i hok u, wei ka dorbar leh man hi ko ynne ka sngi wei ym toh wa ym em pynman yaka, kamtæ ini pynyoo ko wa ym em tyngkheiñ yaka hukum ka High Court.
Da ong u wa ye u em i tyngkheiñ lada ym em ngait u Deputy Chairman yaka hukum deiwa dam u pynman yaka dorbar tangwa ynne ka sngi ka dorbar man hi ko kamtæ ym em tyngkheiñ yaka aiñ.
Discussion about this post