theme-sticky-logo-alt
theme-logo-alt
Advertisement ad1

Da lehwarom ya ka sngi kiwa pathai khubor ha Shillong

Advertisement ad1
Advertisement ad1

Ka Shillong Press Club chirup wa ka Directorate of Information & Public Relations ynne da lehwarom ko ya ka National Press Day hajrong ka phang “Who’s not afraid of the Media” ha Shillong Club heiwa u James P K Sangma, uwa man kam u Montri ka chnat Information & Public Relations da man u kam u kongsan hei emlang u Titosstar W. Chyne, Chief Executive Member, KHADC kam u synbood kongsan wei ka M. War Nongbri, Secretary, IPR Department da man ko kam kawa chah khut sñiawbha. 

U James hawa e yei klam da ong u wa da jooh man u kam uwa pathai khubor wei da sñiawkmen u wow embynta ha ka lehkmen National Press Day, heiwa da ong u wa i kaam pathai khubor man i ka sap wow khana parom.

Advertisement ad1

Da ong u wa i kaamram yong kiwa pathai khubor toh wow khana yeiwa sakhiat wei da tip leh ya ki (Press) kam ki 4th Pillar of Democracy wei kamtæ emkaam wow em i bahkhniah wei wow yait na i e khubor wa bakla namo Yellow Journalism. 

Da pyntip u wa ka Advertisement Policy yong ka jylla da jan pyndep ya ka wei ym slem de daw pynmih noh ya ka. Hajrong i dawa wa boon yong kiwa pathai khubor wa kynthup ya ka Journalists Pension Plan wa Journalists Welfare Fund, u James da ong u wa ka sorkar da chimkhia ko wow pynbiang ya ini.

Ha kani ka sngi da em leh ka Panel Discussion wa chimbynta da ka Dr. M. Ampareen Lyngdoh, MLA, u Paul Lyngdoh, MDC, u W. R. Marbaniang, DGP warim ka Meghalaya, u V.G.K. Kynta, Senior Advocate, Meghalaya High Court, u Larsing M Sawyan, MD, Centre Point Group of Enterprises wa ka Joy Syiem, Policy Lead, North Eastern Network.

Share this:
Previous

Da wai paidbah ya ka Water Harvesting Scheme ha Rngad kawa T. 22 lak tam

Next

Phah liwan ka KSU Jowai Unit ya ki baar jylla wa wan na West Bengal