Jowai: Ka “Ia ksoh kti lang Tuberkmai Chnong Society” ha i yakrehlang wa ka Nehru Yuva Kendra Jowai da lehwarom ko ya ka sngikha u brukhroo yong ka Bharatiya Janata Party u Deendayal Upadhaya.
Da yoh yei klam waiphang da ka Syrpailin Phawa kawa man leh ka Headmistress yong ka skur Robinson Memorial U.P. School heiwa da ong ko wa da kha ya u Deendayal ha ka 25 Naikhynde 1916 ha ka chnong Nagla Chandrabhan heiwa da psiah u kam u dkhot ka Rashtriya Swayamsevak Sangh (RSS) ha u snem 1942 wei hadien da pynkhyrngiat ko ya ki para dkhot neibhah wa man u uwa stat, uwa chemphang khamtam ha ka khayi pateiñ.
Hadien wa da seiñ ya ka Bharatiya Janata Party da man u uwa nongkong dooh u General Secretary ka party ha ka jylla Uttar Pradesh wei hadien kattu kattni snem da man u kam u General Secretary ka party hapoh ka ri uwa da kreh wow pynkhlan ya ka.
Da wanrah u leh ya ka phang wa lada kwah ki bru wow ku chakhmat toh wow bood yei rukom im ki pharæng wei kam kiwa chong chnong ka ri India emkaam wow bahkhlieh ya ki soo jait ki kaam wa kynthup wow pynbiang yeiwa emkaam i doh i pran, i rukom pyrkhat, i mynsien khnang wa u bru u ku u cha khmat.
Ha kani ka lehwarom da pynman ya ka yakob draw dur hajrong ka Map ka ri India, wei u Jessamy Phawa u General Secretary ka seiñ da e u ya ki kyntien e khublei ya waroh.
Discussion about this post