15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da lehwarom ya ka World AIDS Day ha East Jaiñtia Hills

0 Comments
Advertisement ad1
Advertisement ad1
Advertisement ad1

Khliehriat: Ka Para Legal Volunteer, East Jaiñtia Hills District, ka Women Empowerment Self Help Group wa ka District Legal Services Authority da pynman ki yei lehwarom ya ka World AIDS Day ynne ka sngi ha chnong Cham Cham, East Jaiñtia Hills District hajrong ka phang “Ending the HIV/AIDS Epidemic Community by Community”. 

Ka Rinibet Patlong, Field Mentor, Family and Health International 360, kawa man ka bru chemphang ha kani ka sngi da batai yillu ko hajrong u Human Immunodeficiency Virus (HIV)/Acquired Immune Deficiency Syndrome (AIDS), heiwa da batai ko kammon poor namo bi u ha ki bru kamjooh leh da batai ko hajrong ki dak ki chin yong uni u khniang. 

Advertisement ad1

Da batai ko leh kammon wa ye u yada na uni u HIV deiwa kyntu ya kiwa em uni u khniang wow dih ya ki dawai naki Anti-Retroviral Therapy (ART) Centre wa em ha ki Civil Hospital wei wow leh yaki Blood Test ha ki ICTC Center wa em ha ki Civil Hospital, ki PHC wa ki CHC wow tip lada em ki ya uni u khniang wei lada em ki ya uni u khniang ye ki wow yoh yaki dawai dachin kiwa yada na i chah ktah ha oo.

Da kyntu ko leh ya waroh wymtoh u kyntait namo u yoobeiñ ya kiwa em ya u HIV lada ha yung næ ka chnong tangwa wow kyrchaan wei wow pynchlur ya ki wow thooh dawai ki. 

U G.S.L Tron, Circle, Inspector of the Office of the Superintendent of Police, East Jaiñtia Hills District da ong u wa i pynyachong kurim dang khian rta toh u pyndooh pyndam noh ki neibhah wa ktah i yei rukom im ki khynnah wei i pynbia dang khynnah man i iwa pyrchah ya ka aiñ hanlada kiwa hayung hasem pdiang ki yei bia.

Da kyntu u ya ki manbei manpa wow sikai ya ki khon hajrong i chongkurim khian rta. Da kyntu u ya kiwa em wa lada tip ki ya i chah jrongkti, namo chah lehbeiñ ki khynnah la ha iwon iwon i dur wow pyntip cha ki pulit khnang wow ye ki u leh yeiwa emkaam.

Da klam u leh hajrong i dih wei baam duma iwa ye u ktah yei chait i khiah, wei iwa ye leh u poi cha u pood wow pynemkaam drugs iwa ye wow ktah ya ka chnong ka thaw wei da kyntu u leh ya ki paidbah wow yarap ya ki pulit lada emkaam wow wanrah yei chongsuk wei wow lait na iwon iwon i kaam wa man pyrchah aiñ.

Ka Aida Nongtdu, Panel Lawyer, East Jaiñtia Hills District da batai ko hajrong ka aiñ Human Immunodeficiency Virus (HIV)/Acquired Immune Deficiency Syndrome (AIDS) (Prevention and Control) Act 2017, heiwa ymtoh wow lehbeiñ næ yoobeiñ ya kiwa em AIDS neibhah wa ki leh em ki ka hok wow im kam kiwi tawon.

Da batai ko leh wa emkaam wow murieh ya i pyrtuid kiwa em HIV/AIDS heiwa wot hadooh ki Doctor leh ymye ki wow pynlait ya i pyrtuid ki bru wa em HIV.

Kiwi kiwa da klam ha kani ka sngi toh u waheh chnong, u L. Dkhar, ka T. Pakem, Advocate wa ka J. Siangshai, Para Legal Volunteer kawa da e ya ki kyntien khublei.

Share this:
Previous

Da leh burom yaka sngi wa kyrpang kiwa duna hei doh i pran

Next

Yoh nong ka MTDC T. 6 klur, ha u Naikhynde u snem wow wan u wai noh yaka Crowborough Hotel