Jowai: Ka Chankylliang Development Society hei yakrehlang wa ka Soil and Water Conservation, Jowai, ka yungkrehkaam u Executive Engineer PHE, Jowai Division, DFO Social Forestry, Jowai wa ka Dorbar Chnong Madankynsaw da lehwarom ki ya ka World Environment ynnin ha Madankynsaw Community Hall ynnin ka sngi.
Ha kani ka sngi ka phang yong ka toh “Beat Plastic Pollution” heiwa u E. Laloo, Division Officer Soil and Water Conservation da man u kam u kongsan, katwa u F. Basan, Block Development Officer, C&RD Laskein Block da man u kam u symbood kongsan.
Ya kani ka sngi lehwarom da emlang u K.S. Pale, Divisional Officer Soil and Water Conservation (Cash Crop), u J.J Lakiang, ASCWO, u L. Pohktai, ASCWO, u J. Lyngdoh Program Manager CKDS, ki Executive Member ka Dorbar Chnong, kiwa chong chnong wa ki khynnah skur.
Kiwa da e i klam ha kani ka sngi kynthup ki ya u R. Chympa, Assistant Secretary Madankynsaw, J.J Lakiang, ASCWO, K.S Pale kiwa da klam hajrong ka “Importance Of Ozone Layer And Importance Of Tree Lantation For Sustainable Of Future And Preservation Of Forest And Drinking Water”.
U F.B. Basan, BDO Laskein Block da klam u hajrong ka phang pyrdi kani ka sngi deiwa ong wa kammon ki Plastic ktah ki ya ka Rymaw deiwa kyntu ya kiwa em wow yait ki u pynemkaam ya ki muna plastic khnang wow yada ya ka Bei Rymaw neibynta ka mynried kawa daw wan.
Ha kani ka sngi da pynman leh ya i thung tre dieñ wei ya ka yalang da pynlai da u D. Shadap Director kani ka Society.
Discussion about this post