Shillong: Ynne ka sngi da lehwarom ya ka World Environment Day ha NEIGRIHMS da ka Department of Hospital Administration chirup wa ka Junior Chamber International (JCI).
Kani ka lehwarom da sdang ko ha OPD kani ka thaw sumaar, heiwa da emlang kiwa wan thooh dawai, ki Doctor wa kiwi kiwi.
U Director ka NEIGRIHMS Prof. (Dr.) D. M. Thappa da kyntu u wow pynman ya kani ka thaw kam ka Plastic-free deiwa kyrpaad ya kiwi wow dam ki wow pynemkaam plastic.
U Deputy Director, u D. Umdor da khana u ya ki kaam wa da leh hapoh ka NEIGRIHMS wow pynman ya ka kawa khooid wa jngiar.
Kiwi kiwa da e yei klam ha kani ka sngi toh u Prof. Noor Topno, Dr. Tej Wundawalli Assistant Professor Department of Hospital Administration, President JCI, ka Soni Bhoot wa u Harish Jhunjhunwala.
Ha kani ka sngi da pynman leh ya i thung ya ki dieñ ha pchem kani ka thaw sumaar.
Discussion about this post