theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Da lehwarom ya ka World Water Day ha Jowai

Deilang waka pyrthai, ha Jowai leh da lehwarom ya ka World Water Day ha District Library Auditorium, Mynthong wa pynman da ka District Water and Sanitation Mission (DWSM), West Jaiñtia Hills hajrong ka phang ‘Groundwater: Making the Invisible Visible’.

Hawa e yei klam, u Additional Deputy Commissioner, u Alexander S Mukhim da ong u wa ya kani ka sngi da leh warom yow pynkynmoo ya waroh yei kordor ka um ha waroh iwa leh i man-ka-sngi wei yow sdang leh u pynlang ya ka um slap namo ka Rainwater Harvesting.

Advertisement ad1
Advertisement ad1
Advertisement ad1

Da ban joor u leh yeiwa emkaam wow pynlang um waroh chi snem wei yow chim leh yei kitkhlieh yow pynman ya ki tyllong um kiwa khooid wei wow thung dieñ leh hajan ki. Da kyrmen u leh wa deiwa pynkrehkaam ya ka Jal Jeevan Mission Scheme da ka sorkar India daw pynduna yei chitom um.

Da pynchlur u leh ya ki bru wym toh u pynlut phut ya ka um khnang yow lait nei sepai.

Neiliang won ka R. Kynjing, Member Secretary DWASM hawa e yei klam wai phang da klam ko hajrong i kordor ka um.

Kam chibynta kani ka sngi, yow e mynsien wei wow pynchlur ya ki khynnah skur heijooh i por wow pynsñiawthooh ya ki kaam wa yatoh waka um, ka District Water and Sanitation Mission (DWSM) da pynman ko leh ya ka yakob rwai tynre wa ka pynyoo rong hajrong ka phang- ‘Save water it will save you’.

Hachwa ini, ka Zienovia Lyngdoh, District Project Manager (DPM) da e ko ya ki ktien pdiang sñiawbha.

Advertisement ad1
Share this:
Previous

Daw jied khynnah ka AJCA neibynta ka Inter District Tournament 2022 

Next

Da pynkylla yei rukom lai kari ha Jowai nadooh ka 25 tarik