Hadooh ynne i janmiet i diñ ha khloo ha Lunglei District, Mizoram iwa da neh la 32 kynta da tia i chajan ka chnong Lunglei.
Ki pulit tympleh diñ chirup wa ki chipai ka Assam Rifles, ki Border Security Force wa ki paidbah da yaleh ki wow tympleh ya i diñ iwa da suba wa sdang i nadooh ynnin i step heipor 7:00 waje.
Ynne i janmiet katwa dang pteiñ ini i diñ u kyr’ooh, neiliang ka Indian Air Force da kular ko wow phah ya ar tylli ki Mi-17V5 helicopter kiwa da pyndait ya ki Bambi Bucket wow yaleh u tympleh ya i diñ.
Ynnin i janmiet da ye wow tympleh ya i diñ chi bhah tangwa ynne i step da sdang kop biang i, da pyntip u A. Kulothungan u DC ka Lunglei District.
Hadooh katni ympu tip neiyi i daw wa sdang ini i diñ iwa da tia chajan ki yung bru wa em ha chnong Lunglei.
