Da palat Rs. 108 klur ka Scholarship dadep su, sah sa 27,327 ngut ki wym pu em yoh

Ka yung krehkaam u Director of Higher & Technical Education ka sorkar Meghalaya da pyntip wa da pynlait ya ka Umbrella Scheme ka Post Matric Scholarship neibynta u snem 2023-24 kawa da e da ka Ministry of Tribal Affairs ka sorkar India.

Da pyntip wa ka poisa wa da yoh ka Directorate dapoi ko Rs. 1,08,98,79,947 yow su neibynta ka Scholarship wei na kani, Rs. 98,08,91,952 toh kawa wan na ka Ministry of Tribal Affairs kam ka bhah ka sorkar pyrdi wa Rs. 10,89,87,995 won toh na ka sorkar jylla kam ka bhah yong ka.

Waroh kiwa da yoh ya kani ka Scholarship da em ki 49,428 ngut.

Chooh chooh da pyntip wa ha ka First Installment da yoh Rs 42,32,13,280 heiwa na kani ka bhah ka sorkar pyrdi toh Rs. 38,08,91,952 katwa ka bhah ka sorkar jylla toh Rs. 4,23,21,328 wei na kani da su cha 17,364 ngut.

Ha ka Second Installment won da yoh Rs 66,66,66,667 heiwa na kani, ka bhah ka sorkar pyrdi toh 60,00,00,000 katwa ka bhah ka sorkar jylla won dapoi ko Rs 6,66,66,667 wei kiwa da su na kani da em ki 32,064 ngut.

Related posts

Daw khang ya ka Chympe Falls ha ki sngi Sunday deilang kiwi de ki sngi

January 14, 2026

Lyngkdang kylla ka kari wa pynhær bha kawa lai na rood ki khynnah wa lai leh niam

January 13, 2026

Da pyntip leh wa dang em kiwa dang sah 27,272 ngut ki wym pu em su wei ya kini daw su mar ya yoh ya ka Third Installment na ka Ministry of Tribal Affairs wei neiliang ka chnat Education da booddien ko yeini yow pynlait smat ya kani ka bhah wa le.

Kamtæ da ong wa ka sorkar u pyntikna ko wa waroh ki khynnah wa lai puræ u yoh ki ya ka Scholarship ki heipor wa biang wei lada em ki wym yoh ye ki wow thoh cha to [email protected].