Dawa ka GSU wow em ka Electoral Roll wa kyrpang kiwa thap Vote ha ka Election MDC

Ka seiñ Garo Students’ Union (GSU) da kyrchaan ko yei rai ka Garo Hills Autonomous District Council (GHADC) heiyatoh wow booh kyndon ko wa emkaam ya ki kyrtong MDC u pynmih ki ya ki Certicate Scheduled Tribe manda thap pyrtuid ki wow yaleh ya ka Election MDC.

Ka seiñ da ong ko wa katkam ka 6th Schedule ka Constitution ka India da klam che ko wa emkaam u yada yei man i long wa kyrpang ki jaitbru ri-loom ha Meghalaya deiwa booh ya ki District Council.

Chooh chooh da ong ko wa katkam ka 6th Schedule da pynkhlan ko yei buit wow pynneh pynsah yei man kyrpang i rukom im ki jaitbru ri-loom deiwa kdaw wa da emkaam wow em ka Electoral Roll wa kyrpang du ya ki District Council heiwa emkaam u em ya ka ST Certificate wow yakhun ya ki Election MDC.

Da ong ko leh wa emkaam u em ya ka Electoral Roll wa kyrpang neibynta ki Election ha ki District Council neibhah ki District Council hi i kaamram yong ki toh wow yada yei hok ki jaitbru ri-loom wei ki paidbah sñiawthooh ki yeiwa emkaam ki.

Related posts

Chem yei metyap uwi u bru ha u sarok Umtyrnga

September 9, 2026

U sdang i lehkmen Silver Jubilee ka Seiñ Kur Sutnga 14- Khrong Jowai Circle daw em leh ka yaphet Marathon

September 9, 2026