15 49.0138 8.38624 1 0 4000 1 https://wyrta.com 300 0

Da pdiang burom ka Govt. Girls ya ki khynnah wa wan thymme ha class XI
Da pynkupburom leh ya ki khynnah wa pass bha ha uni u snem

0 Comments
Advertisement ad1

Jowai: Ka Govt Girls Higher Secondary School Jowai ynne ka 29 tarik da pynman ko ya ka yachemlang wa ki khynnah puræ wa thymme ka Higher Secondary School wa tip leh kam ka Freshers’ Meet ya kawa da pyllai da ki khynnah ka class XII.

Chwa wow sdang i yalehkmen da yoh i klam naka principal ka skur ka Savety Bareh kawa ong wa waroh yaphær nawi hawi, wan i na jar jiar ki yung, ki kur tangwa ha skur won emkaam u ya maya u burom iwi ya iwi.

Da yoh i rwai naki khynnah ka class XII Science kamjooh i chaad na ki class XI Arts, wei ki khynnah Class XI Arts waka Science da wan ki cha khmat wow pyntipmit pyndaki ya ki hi.

Neiliang kiwa sikai ka Higher Secondary ha kani ka jooh ka sngi da chim ki leh wow pynkup burom ya 10 ngut ki khynnah wa da pass bha ha ka exam HSSLC yong uni u snem wada pyllai daka W. Sumer.

Na pyrdi kini kiwa chah pynkup burom toh ka Seiniijuh Patlong, toh kawa yoh chakhmat dooh heiwa da yoh distinction ko ya 4 tylli ki subject ka English, Political Science, History waka Economics.

Kam ka dak i e mynsien da pynkup burom leh yaka Sakibha Pale kawa man ka khynnah wa em i duna ha i bynta ki pariam kti, i wym ye ko u ksoh khulom kam wa man ki khynnah puræ waboon, hanla kattæ leh dei kreh chitom yong ka ye ko u lai chaphrang wei ka leh da pass class XII ko na kani ka skur.

Da pynchongchit ya kani ka lehkmen dei rwai i chaad ki khynnah wa kiwi kiwi.

Advertisement ad1

0 Comments

Leave a Reply