Da phah khang waroh ki yaaw ki haat, ki dukan, ki Bank deilang ki skur ha West Garo Hills

Ka Curfew kawa da pynkrehkaam chwa 12 kynta nadooh 6 waje i miet ka 9 tarik uni u bnai hadooh 6 waje ynne i step ha ki 37 tylli chnong wa haap hapoh ka Phulbari Police Station, Hallidayganj Police Station, Selsella Outpost wa Tura Police Station da pteiñ ka sa 48 kynta.

Kani ka hukum wa dang pynmih thymme ynne ka sngi da u DC ka West Garo Hills da ong wa ka Curfew u krehkaam ko waroh kawi ka District.  

Kani ka Curfew u neh ko hadooh wa sdang ka 13 tarik lada ym pyndam chwa ka.

Da phah leh ya waroh ki thaw puræ, ki skur, ki Bank, ki dukan, ki yaaw ki haat wa kiwi de ki thaw wa leh ya ka khayi pateiñ wow man ki kiwa khang heini i por wa em ka Curfew lait noh ki Hospital, ki Pharmacy, ki Emergency Services wa kiwi de ki wym hoi u dam katkam wa da chah ki bor District.

Related posts

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Yow krum sa ka Ropeway kawa ₹151 klur hawa da em ka sarok 4-Lane yow lai cha Shillong Peak: TUR

October 25, 2026

Chooh chooh da phah ya ki Executive Magistrate wa ki pulit wa em hapoh ka West Garo Hills wow lai pyntikna ki wa da pynkrehkaam ya kani ka hukum wei wow pynchitom ya kitu kiwa tyngkheiñ ka.