Shillong: Hadien wa ynnin ka sngi da khang ya ki dukan wa em ha thaaiñ Police Bazaar neidaw wym bood kyndon, ynne won na ki jooh ki daw wym bood ya ki kyndon yow leh yaka Social Distancing, u leh khooid ya ki kti, u deiñ ya ki Mask ha ki thaw wa em ha Laitumkhrah na Police Point hadooh ha Mohanson’s Dry Cleaner iwa man leh i tyngkheiñ yaka hukum Prohibitory Order wa pynmih haka 15 tarik uni u bnai heiwa kini waroh toh kiwa emkaam wow yada nei poor ka khlam COVID-19 khamtam ha ki thaw wa pynman yaw deiwa pyrkhat yei bha i miat, i chngaaiñ ki paidbah.
Kamtæ ka District Magistrate, East Khasi Hills District haka hukum wa pynmih haka 19 tarik uni u bnai da pynbna ko waroh ki dukan, ki thaw pynman yaka khayi pateiñ toh u man ki kiwa khang ha Laitumkhrah nadooh Police Point hadooh Mohanson’s Dry Cleaner hadooh wa pynmih hukum da kamwi.
Kani ka hukum da khang ko ya kiwon kiwon ki bru wow leh ki ya kiwon kiwon ki khih ki khan, ki kamai kajih ha ki thaw wa da kdaw haneiñ.
Da khang leh wow pynman ya kiwon kiwon ki yalang paidbah kamjooh wow wai ya kiwon kiwon ki yung krehkaam sorkar kamjooh ki yong ki bru samen wei waroh kini toh u khang ki chisyndon.
Kani ka hukum ym khang ko ya ki wakreh ka chnat i chait i khiah, ki laad pathai khubor, kiwa kit kum LPG, ki wakreh ka Shillong Municipal Board, ki Pharmacy wa ki Bank.
Ya kiwa leh pyrchah daw pynchitom katkam ka kyndon Disaster Management Act, 2005 waka IPC.
