Shillong: Neidaw wa em wa yoh COVID-19 wa psiah ha i dukan Babla’s Shoppe, G. S. Road, ha Babla’s INC, Police Bazar wa cha yung krehkaam u Chief Postmaster General, North East Circle, Shillong, ka District Magistrate, East Khasi Hills District, da pynmih hukum ko haka 8 tarik uni u bnai yow phah khang ya kini ki dukan wa ya kani ka yung krehkaam.
Kamjooh neidaw wa em wa yoh COVID-19 wa psiah ha i dukan Legacy General Store, Dedar Market, Police Bazar, Shillong, da pynmih hukum ka District Magistrate, East Khasi Hills District ynne ka 10 tarik wow phah khang chipor ya ini i dukan hadooh wa pynmih hukum da kamwi.
Neidaw won wa em wa yoh COVID-19 ha kini ki yung, ka District Magistrtate ka East Khasi Hills da pynmih hukum ko ynne ka sngi yow pynbna Micro-Containment Zone ya i yung (Building) u H.S. Sohliya wa i yung ka Miranda Myrthong wa em hajan Laban Sports Club, Shillong.
Ha kawi won ka hukum, ka District Magistrate, East Khasi Hills da pyndam ko chisyndon yaka hukum pynman Containment Area ya i Rapsang Building (iwa dang chna) iwa em pyrchah yaka Meghalaya Main Secretariat wa i yung (Building & Compound) u Anil Toi, Lower New Colony, Laitumkhrah.
