Shillong: Ynne ka sngi u Montri wa pait ya i chait i khiah ha ka jylla, u Alexander Laloo Hek da ong u wa ki tre jylla kiwa wa wan yung biang hadien wa yohbor na ka sorkar jylla, wei da pynbait hi ya ka kari yong ki, da ong u wa kini ki bru kiwa da wan ynne ka sngi da ka Bus na Rajasthan da sylli bniah bha yei man i long yong ki wei hadien wa chem wa ym em dak ki wow pynyoo wa chah ktah ki da phah noh ya ki wow pyndep ya ka Quarantine ha jar jiar ki yung yong ki.
Katwa ki 3 ngut ki Driver da liwan noh ki cha ki thaw (jylla) wa da wan ki.
Hawa kylli wa em i sñiawkhia na kiwa boon wa da phah bait wow leh ki ya ka Quarantine ha yung, u da ong u wa ka sorkar dang duna ware ko ya ki thaw leh Quarantine yong ka sorkar kiwa ye u pdiang du hapoh 1000 ngut, katwa kiwa wan uiñ biang da em ki palat 10,000 ngut, tangwa da ong u wa lada em iwon iwon i wym biang ki thaw sah næ ki thaw wow leh Quarantine ye ki wow pyntip cha ka sorkar wow booh ha ki Center wa da pynkhreh.
Discussion about this post