May 12, 2020

Pynbna ka FIFA ya ki tarik wow pynman ka U-17 Women’s World Cup ha India

Advertisement ad1

Ka Fédération Internationale de Football Association (FIFA) da rai ko wow pynman ya ka Lumpung U-17 Women’s World Cup ha India.

Ya ini i rai da pyntikna leh da u President ka AIFF uwa man leh u FIFA Council Member, u Praful Patel uwa da pyntip wa kani ka lympung u pynman ya ka hapyrdi ka 17 Thohlakhmi (February) hadooh 7 Wisu (Mar), 2021 ka wow man ha India.

Da ong u leh wa kani ka lympung daw man ko kawa sah kynmoo bha ya ka ri hi waroh ka wi.

Heijooh i por da ekhublei u ya ka FIFA kawa da rai wow pynman ya kani ka lympung kam chibynta wow pynchlur ya ki kynthai ha ka yalehke Football.

Kiwa ye u chimbynta ha kani ka lympung toh ki khynnah kynthai kiwa da kha ha namo hadien ka 1 Duyatra (January) 2003 wei ha namo chwa ka 31 Kmaichonglad (December) 2005).