U DC ka East Jaiñtia Hills District da pyntip u wa neidaw wa da pynbna ya ki tarik pynman Election MLA 2023 hapoh ka jylla Meghalaya wei da sñiaw u wa da biang ki daw wow pynmih ya kani ka hukum yow phah ya waroh kiwa em tiar yasiat kiwa da em License wow wan li booh lai e kti noh ya ki tiar yasiat yong ki ha ki Police Station wa em chajan dooh ki yow pyntikna wym jia iwon iwon iwa sñiawsih heipor wa pynman ya kani ka Election.
Kamtæ hapoh ki kyndon ka aiñ Arms Act, 1959 da phah ya waroh kiwa da em License yasait wow lai booh ki ya ki suloi, ki pistol wa kiwi de ki tiar yasiat cha ki Police Station, Outposr wa ki Beat House wa em chajan dooh ki chisyndon wei da khang leh wow rah ya ki tiar yasiat kiwa da em License.
Lada em kiwon kiwon kiwa sñiaw wa chah ktah ha kani ka hukum ye ki wow e ya ki daw deiwa thoh yow lait na kani ka hukum wei ya kani ka chithi ye wow lai e ha u DC ha ki sngi wa man kreh wa ha ki kynta wa man kreh.
