Ka lympung yalehbol kawa tip kam ka 2nd Elaka Lakadong Knockout Football Tournament 2023 kawa pynman da ka Elaka Lakadong Sports Association (ELSA) da pteiñ biang ynne sngi ha chnong Lakadong Umlatdoh (Lakadong Umlatdoh Zone) heiwa ka Lakadong Umlatdoh FT waka Lakadong Ummat FT da man ki kam kiwa jop.
Ka Lakadong Umlatdoh FT da jop ko pyrchah ya ka Lama FT da 1-0 lyngba ka kool kawa thap da u Yoo Dkhar ha ka minit kawa 15 yong ka kylla step katwa ka Lakadong Ummat FT da jop ko pyrchah ya ka Umlyngsha FT da 2-0 lyngba ki ar kool na u Hikai Bareh ha ki minit 18 wa ka 32.
Da ini, kini ki ar liang da psiah ki kattu cha ka Quarter Final yong kani ka lympung yalehbol.
Mynstep won ka yalehke toh hapyrdi ka Umlyngsha YSSC pyrchah ya ka Lakadong Ummat SCC heipor 1:00 i sngi katwa ka Lakadong Umlatdoh SCSC won u yachem ko ya ka Lama YSC heipor 2:30.
