Shillong: Neidaw wa em boon kiwa yoh COVID-19 ha ki thaaiñ Jail Road, Shillong wei da emkaam wow kdoh u khoom yei poor kani ka khlam ha ki thaw wa pynman yaw yow yada ya ki paidbah na uni u khñiang.
Kamtæ ka District Magistrate, East Khasi Hills District, da pynmih hukum ko haka 6 tarik uni u bnai wa da emkaam wow phah khang ya waroh ki dukan wa em ha Jail Road kitæ nadooh Jail Road Filling Station hadooh Hotel Polo Towers nadooh 5 AM ka 6th September, 2020 hadooh 5 AM ka 9th September, 2020.
Da phah khang ya waroh ki jait dukan chisyndon.
Da khang leh wow pynman ya kiwon kiwon ki yalang paidbah ha kini ki thaw, da phah khang leh ya waroh ki yung krehkaam sorkar wa ki yong ki bru samen kiwa em ha kini ki thaw.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.
