15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ka sorkar da krehlang ko wa ki bru chemphang wow pynku ya i kaam uiñke suwari hapoh jylla: Conrad

Advertisement ad1

U montri rangbah ka jylla, u Conrad K. Sangma ynne ka sngi da lai sylli u ya ki thaw uiñke suwari hapoh South West Khasi Hills hei emlang u montri ka chnat bordiñ u James K. Sangma wa u MLA u Renikton Lyngdoh.  

Neiliang ka sorkar jylla da thmu ko wow pynku ya ki kaam uiñke suwari (Tourism Circuit) ha Mawkyrwat wa kiwi ki chnong wa marjan nadooh ki moo-pynyieñ wa ka um-chit (Hot Spring) ha Jakrem.

Neiliang u Conrad da ong u wa ka sorkar thmu ko wow chna pynmiat wei wow pynku kyrdan ya ki thaw uiñke wow man ki kam ki thaw puraæ leh kamjooh.

Da ban joor u leh wa ka Mawkyrwat em ko ya ka parom wa mahajon chirup wa ka rymaw deiwa pynrap leh wa ka sorkar da krehlang ko wa ki bru chemphang (Consultants) wow pynku ya ka kaam uiñke suwari wei dang kreh ki wow pynku ya i kaam wow pynjanai wei wow pynku kyrdan ya i uiñke suwari hapoh jylla. 

Chooh chooh u Conrad da ong u wa u sarok na Mawphlang chadooh cha Weiloi lyngba Mawkyrwat da chimkti da ka Systematic Maintenance Programme ya kawa da sdang ha uni u snem. 

Da kular u leh wa ka thaw sumaar wa 100-palong ha Mawkyrwat u pyndep ya ka ha ki 7-8 bnai wow wan khnang wow e i chakri ya ki paidbah. 

Share this:
Previous

Da phang khang ya waroh ki dukan wa em ha Jail Road

Next

I rukom pynbait yei wai ki dukan ha East Khasi Hills