Da poi yung ka Sonia wa wiar nadooh ka 11 tarik

Jowai : Ka Shaikida Dkhar wa khut siñ leh kam ka Sonia na ka chnong Pasyih kawa wiar nadooh ka 11 tarik uni u bnai da poi yung ko ynnin ka sngi heipor kamwa 12 waje pyrdi sngi.

Heipor wa wiar ko na yung, kiwa ha yung da suba ki wa da yut ko wa u Jahed Hussain Ali wa em 26 snem i rta uwa khut sin kam u Jack uwa kreh kaam u Welder ha Ynñiawmer.

Heipor wa thooh kiwa ha yung yong ka Sonia na kani ka thaw kreh Welding da pyntip ki wa ka Sonai da lai ko wa u Jack cha Guwahati.

Kiwa na yung wa ki police da li hiar ki cha Guwahati wei da poi ki chiteiñ syniaw wei lai ki cha ki thaw pynyeiñ bus kamjooh cha Train Station yow thooh ya ka Sonia. Heipor wa poi ki ha Train Station heipor kamwa 7:45 i step da em ka wi ka Train wa mih na station wei da dooh laad u psiah hapoh kani ka Train wei hadien da tip wa kani ka Train toh kawa lai cha Bangalore.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang kiwa ha yung da pyntip ki wa ka Sonia da chong Train ko wa u Jack ha jooh ka Train wa dooh ki u li sylli wei da kit nyngkong u ka cha Bangalore wei hadien ini da chong bus ki yow lai cha Hyderabad.

Ha Hyderabad u Jack da pynsah u ya ka Sonia ha i yung-wai wa yarap ki lok u wow pynyoh heidor T. 2000 chi bnai.

Ha chwa ini kiwa ha yung ka Sonia da yoh phone number ki yong kiwa ha yung u Jack na kiwa krehlang wa oo heiwa da yoh ki u yaklam phone wa ka bei yong oo wei da chah maham kylla ki ha kiwa ha yung u Jack wa lada em iyi iyi wa sniawsih wa jia ya u khon yong ki toh i bah khlieh yong kiwa ha yung ka Sonia.

Yosar hadien ini u pa u Jack da yoh khubor u yeiwa jia wei da phone u ya u khon u wei da li lai u cha Hyderabad yow li thooh ya oo.

Kiwa ha yung ka Sonia won da yoh phone ki na u lok u Jack uwa pyntip ya ki wa ka Sonai, u Jack wa u pa u Jack da mih ki na Hyderabad wei da lai ki cha Guwahati.

Ki phone number yong kiwa ha yung u Jack man ki kiwa da  tympleh wei neiliang ki pulit da yoh ki u yaklam wa u lok u Jack uwa da phla lut yei waroh.

Hadien wa poi ki ha Guwahati u pa u Jack da ku lang u wa ka Sonia ha ka Bus Night Super wei da hiar u ha Nongpoh katwa ka Sonia won da hiar ko ha laad Pasyih wei da liwan ko cha yung.

U pa wa ka bei u Jack toh kiwa na Manipur tangwa kiwa sah ha Arunachal.

Also Read: Suba chah rah bor ka Sonia na Pasyih