Da pyllait paidbah ya ka kot Shad Sukra kam chibynta ka dustur riti

Jowai: Ynne ka sngi da pyllait paidbah ya ka kot kawa da e pytuid Shad Sukra wa thoh da u Dawmanchuh Lamar ha ka yalang wa da pynman ha Yungwalieh ka Loomionkjam, Jowai heiwa u S.Q. Sumer da man u kam u kongsan.

Ha kani ka sngi da yoh yei klam pdiang burom na u Ohiwan Lamar, yeiwa da pynbood won yei klam na kiwa kyrchaan ya uwa thoh ya kani ka kot kiwa kynthup da u Dawanpoi Passah, u Dr.D.I. Kjam, Waheh Chnong Loomiongkjam wa u E.M.H. Passah kiwa da yaroh ya uwa thoh ya kani ka kot.

Neiliang uwa thoh ya ka u Dawmanchuh Lamar da ong u wa ka thong yongoo toh wow pynneh pynsah kamjooh wow pynsñiawthooh ya ka pateiñ wow wan chaphang ka Chaad Sukra.

Da ong u leh wa katkam wa man hi da yoo u ya kawi ka kot chaphang ka Chaad Sukra kawa da thoh da kiwa na baar ri, tæ da pynsñiaw u ha ki lok yong oo yeiwa kongsan lada thoh da ki tre ri kiwa rap tip bniah hajrong kani ka phang.

Kam u kongsan ha kani ka sngi u S.Q. Sumer da e yaroh u ya u Dawmanchuh wei da ong u leh wa katkam wa man hi oo da slem wa yooluti u wow mih ki piar ki khai ki wow pynneh pynsah ya ka jaitbru liang wanang.

Hachwa wow kut ka yalang da yoh ya ki kyntien e khublei na ka Dr (Mrs) L. Challam.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026