15 49.0138 8.38624 1 0 4000 1 https://wyrta.com 300 0

Da pyllait paidbah ya ka kot Shad Sukra kam chibynta ka dustur riti

0 Comments

Jowai: Ynne ka sngi da pyllait paidbah ya ka kot kawa da e pytuid Shad Sukra wa thoh da u Dawmanchuh Lamar ha ka yalang wa da pynman ha Yungwalieh ka Loomionkjam, Jowai heiwa u S.Q. Sumer da man u kam u kongsan.

Ha kani ka sngi da yoh yei klam pdiang burom na u Ohiwan Lamar, yeiwa da pynbood won yei klam na kiwa kyrchaan ya uwa thoh ya kani ka kot kiwa kynthup da u Dawanpoi Passah, u Dr.D.I. Kjam, Waheh Chnong Loomiongkjam wa u E.M.H. Passah kiwa da yaroh ya uwa thoh ya kani ka kot.

Advertisement ad1

Neiliang uwa thoh ya ka u Dawmanchuh Lamar da ong u wa ka thong yongoo toh wow pynneh pynsah kamjooh wow pynsñiawthooh ya ka pateiñ wow wan chaphang ka Chaad Sukra.

Da ong u leh wa katkam wa man hi da yoo u ya kawi ka kot chaphang ka Chaad Sukra kawa da thoh da kiwa na baar ri, tæ da pynsñiaw u ha ki lok yong oo yeiwa kongsan lada thoh da ki tre ri kiwa rap tip bniah hajrong kani ka phang.

Kam u kongsan ha kani ka sngi u S.Q. Sumer da e yaroh u ya u Dawmanchuh wei da ong u leh wa katkam wa man hi oo da slem wa yooluti u wow mih ki piar ki khai ki wow pynneh pynsah ya ka jaitbru liang wanang.

Hachwa wow kut ka yalang da yoh ya ki kyntien e khublei na ka Dr (Mrs) L. Challam.

Advertisement ad1

0 Comments

Leave a Reply