Shillong : Ka thup sur-rwai (poetry) u ma Oriwell Shullai ka wa da e pyrtuid “Tympang i Sñiaw – Vol. II” da pyllait paidbah ya ka ha ka National Seminar on “Interpreting Tribal Literature: Multidisciplinary Approach” ka wa da pynman ynnin ka 18 tarik ha NEHU, Shillong da ka Department of Khasi, NEHU.
Da pynman ya kani ka Seminar hapoh ka Science Seminar Hall, Nehu, Shillong diewa krehlang wa ka Tribal Literary Forum of India (LTFI) wa ka Society for Khasi Studies.
U ma Oriwell da e khublei ya ka Khasi Department wa da yoo biang ko ya oo yow pyllait ya ka kot sur-rwai u ha kani ka Seminar. Da yoh leh i puræ ya ki sur-rwai na kani ka kot da u ma Oriwell.
Ha kani ka seminar da emlang ka Prof. S. Dkhar, Head of Department of Khasi, NEHU, Shillong kawa man leh kam ka coordinator yong kani ka Seminar. Da yoh leh yei rwai pdiang snaiwbha na ki khynnah puræ ka Khasi Department.
Da e ya ka Keynote Address da u Prof. D. Koulie, Head of Department of Tenyidie, Nagaland University, uwa man leh kam u President ka Tribal Literary Forum yong ka ri India.
U kongsan ha kani ka sngi toh u Dr. L. Cajee, Controller of Examinations, NEHU. Da em lang ki dkhot ki tnat wapher wapher ka NEHU kamjooh wa ki khynroo khyllood wa puræ ha NEHU.
Ya u ma Oriwell da kha ha Shillong ha ka 8 tarik u Duyatra (January) wei man u u khon wa ar na ki san ngut chi payu. Ka bei u toh ka tynde ka kong Nesimai Chullai, u pa u toh u tynde u Mahin Rymbai ki wa sah ha Loompyrdi Iongpiah, Jowai.
Ka kot wa nyngkong wa thoh u ma Oriwell toh kawa da pyllait paidbah ha Teppale Jowai ha u snem 2007 kawa man leh ka thup kot sur-rwai ka wa da e pyrtuid u ka “Tympang I Sñiaw – Vol. I”
Heini hawah da booh ya ki kattu katni ki sur-rwai na kani ka kot thymme.
Ki Umjer ( Pnar Sonnet)
Hadien le sien, le wat wa khut u syiar,
Ngi kyllung kynrong na tre iong ka;
Tae chi chyllang ka pyrthai ka mynder,
Lyer pyngngad wa wan beh ki sla deiñ.
Khriek! Khriek! Umjer ksiar ha u phlang wa sdien,
Kam phi ym em de wei miat te da tam;
Miet che bnai kup rong rupa loom, madan,
Ki soo samoi lai wan ki bnai ki snem.
Ki waim wa khih, jingthung jar i rta,
Chi bet por don hi pyrthai chong wasa;
Kam ki umjer ksiar ha u phlang rupa,
Man da joo te, ym chem de ym chynna.
Hei jingim pyrchang u im miat im bha,
Man da khlad nei ni, sah parom khana.
Por Ba Kordor Tam (Khasi Sonnet)
Ki second, minute, kynta, sngi, bnai, snem,
Ngam tip kumno shisha ki iaid ki ieng;
Phi her sha jngai bah ym lah shuh ban shem,
Suiñ bneng phylla ymdon jingkut jingbteng.
Na dangrit, khynnah samla bad rangbah,
Hapdeng jingshit ka sngi dum lyoh wan beh;
Ka por her stet ban bat ia ka ymlah,
Pyrthei bun kam ban pyndep shem jingeh.
Haba ap ia no re, thiah pang slem eh,
Bun kam palat hana por lyngkot than;
Kam kynrei, phim ap tyllun khlem sangeh,
Phi khate rta ban pyndep kam la jngan.
Pyrthei shong basa ba tang shibit por,
Trei hok, leh hok ia jingim da khein kor.
Discussion about this post