Ka Meghalaya Energy Corporation Limited (MeECL) da pyntip ko wa hadien ka yalang wa u montri rangbah ka jylla ynnin ka sngi kawa da yaklam hajrong i chitom bordiñ hapoh waroh kawi ka jylla, da chim ya ka rai wow sdang biang yei pyndooh bordiñ nadooh pyrdi synyaw wa sdang ka 24 tarik uni u bnai.
Kam wow pynkynmoo wa u Conrad Sangma ynnin ka sngi da ong u wa ka sorkar daw hap chim ko ya ka rai wow pyndooh bordiñ deiwa man-ka-sngi kattu katni kynta yow lait nei pyndooh bordiñ da iwa hadooh 8 kynta chi sngi.
Da ong u leh wa da dep wow su 50% ka ram kawa da sah kawa da lang hadooh 15 snem wei i por wa e ya ka Meghalaya wow su ya kani ka bai bordiñ kawa da poi palat 1000 klur wow su ha ki 2 bnai toh iwa eh bha wow leh wei da yooluti u wa lada ye wow yoh smat yei bhah wa ar ka ram Atmanirbhar Bharat daw ye wow pynkhooid lut ya ki ram bordiñ ka jylla.
Neiliang won u montri ka chnat bordiñ u James Sangma da pyntip u leh wa iwi na i daw wa hap wow leh ya ini i pyndooh bordiñ toh wa em i chna wei da hap wow khang ya ka 1 Unit ka OTPC Palatana Power Station kamjooh wa slem u poi ka aiom slap iwa da wanrah yei duna yoh bordiñ hadooh 2-2.5 MU chi sngi ha Meghalaya.
Wei deiwa pyrkhat leh ya kiwa yaleh Exam da pyndooh bordiñ du 3 kynta donhi.
Kamtæ i pyndoh bordiñ iwa katni toh i wow neh hadooh wa pynmih hukum da kamwi.
I pyndooh bordiñ man i kamni ha wah:
