15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynbna Containment Area yaka RP Chest Hospital Road

Advertisement ad1

Shillong: Ka District Magistrate, East Khasi Hills District da pynmih hukum ko ynne ka 11 tarik yow pynbna Containment Area yaka RP Chest Hospital Road kawa em pyrchah yaka Crematorium, Mawbah Barapathar deiwa booh leh ya ki pood:

  1. Nadooh i yung u Ravi Marbaniang na neiñ
  2. Nadooh i yung ka Aparna Sharma na mihsngi
  3. Nadooh i yung ka Arati Bhavan cha tre wa
  4. Ka TB Hospital Road na sepsngi yow khang yei psiah i mih khlem da yoh bor cha kini ki thaw.

Ya kani ka hukum da pynmih hadien wa pyntip u Incident Commander Zone-IV wa u Medical Officer In-charge Zone-IV wa da em i ku kiwa yoh COVID-19 ha RP Chest Hospital Road wa em pyrchah yaka Crematorium, Mawbah Barapathar yow ye u khang yei poor uni u khñiang deiwa lai na iwi i yung cha iwi yow thooh ya kiwa em ya i dak i chin wa chitom kamjooh ya kiwa yachem wa kiwa yoh ya uni u khñiang deilang ya kiwa yachem pateiñ wei da phah leh ya waroh kiwa em hapoh kini ki thaw wow neh bait ki hapoh yung.

Advertisement ad1

Neidaw wa em leh kiwa yoh COVID-19 wei yow ye u leh yeiwa emkaam, ka District Magistrate, East Khasi Hills District da pynmih hukum ko ynne ka sngi yow pynbnai Micro Containment Area ya ka PWD Quarter No-49 ha Barik, Quarter No. E-6 ka Survey of India, Barik, i yung ka H. Wankhar ha Lawsohtun Block-2 wa i Top Floor i yung ka Aroma Shullai, New Kench’s Trace wa em hadien ka Sankardev College.

Da pyndam won yei pynman Containment Area nadooh ynne ka sngi ya i Top Floor i yung u Biju Paul, Rilbong Burnside wa em hajan Sankardev Women’s Hostel wa i yung (Building) ka Dr. (Mrs.) Tinnu S. Momin, Rilbong wa em hajan Meghalaya Assembly.

Share this:
Previous

Lai pynche ka seiñ ki Muster Roll yei yarap wa e ka sorkar ya ki wakreh mylla ha Sohmynting

Next

Mih biang i kajia pood ka Mizoram-Assam hadien wa tympra ki sahep sorkar ka Karimganj ya iwi i trep