15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Da pynbna Containment Zone ya ka Wahshnong wa Nongshilliang

Advertisement ad1
Advertisement ad1
Advertisement ad1

Katkam wa pyntip u Block Development Officer, Mawkynrew C&RD Block wa u Medical Officer In-Charge ka Jongksha PHC wa em uwa yoh COVID-19 uwa da yachem wa kiwa boon ki bru ha Wahshnong wa Nongshiliang kiwa em ha ka chnong Jongksha kawa em hapoh ka Mawkynrew C&RD Block khlem da yada iyi iyi leh.

Kamtæ katkam ki kyndon sorkar yow ye u leh yei booddien ya kiwa yachem pateiñ, yow pynchongkset wei yow leh ya ki Test ya kiwa em hei maa, ka District Magistrate, East Khasi Hills District da pynmih hukum ko ynnin ka 3 tarik hapoh ka aiñ Epidemic Diseases Act, 1897 wa ka Meghalaya Epidemic Diseases, COVID-19 Regulations, 2020 yow pynbna ya ka Wahshnong wa Nongshiliang kiwa em hapoh ka chnong Jongksha ka Mawkynrew C&RD Block wow man ki kam ka Containment Zone hadooh wa ye u pyndep yeiwa emkaam wei yow khang yei psiah i mih wa khlem yoh bor cha kini ki thaw.

Advertisement ad1
Advertisement ad1

Ka hukum da khang ko ya kiwon kiwon ki bru wow psiah u mih ki khlem da yoh bor cha kini ki thaw wei kiwa em hapoh kini ki thaw wow neh bait ki hapoh yung. Da phah khang leh ya waroh ki dukan kiwa em hapoh ki Containment Zone kamjooh ki yung krehkaam.

U Block Development Officer, Mawkynrew C&D Block u pait u yei pynkrehkaam ya kani ka hukum.

Kiwon kiwon kiwa tyngkheiñ ya ka hukum daw pynchitom katkam ka aiñ Disaster Management Act, 2005 wa IPC.

Share this:
Previous

Lyngba ki Poster kyntu ka ABVP ya ki paidbah wow chim ya i tika COVID-19

Next

Da phah khang ya waroh ki yaw wa em ha Iawmusiang