15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynbna Containment Zone yaka chnong ha North Garo hadien wa uwa yoh COVID-19 lai yaseiñ u wa cha ki thaw kreh 100 sngi

Advertisement ad1

U District Magistrate ka East Garo Hills da pyntip u wa neidaw wa em kiwa yoh COVID-19 ha Leprosy Office Compound/Colony haka 16 tarik uni u bnai wei da emkaam wow leh yei booddien ya kiwa em hei maa wow yoh ya uni u khñiang, i leh Quarantine, ki Test wei wow khangkset yow yada nei poor uni u khñiang, da pynbna yaka Leprosy Office/Colony kam ka Micro Containment Zone.

U Additional District Magistrate ka North Garo Hills District da pyntip u wa neidaw wa em uwi wa yoh COVID-19 uwa da chitom leh wow riñ mynsien ha chnong Makbikol wei da yachem u ya kiwa boon heipor wa man yaseiñ, ha ki thaw wa da pynkreh yaka MGNREGS, kamtæ waroh ka chnong Makbilkol da pynbna yaka kam ka Containment Zone nadooh ynne ka 17 tarik hadooh ka 19 tarik yow ye u leh ya iwa emkaam.

Advertisement ad1

Ha kini ki sngi waroh kiwa em hapoh ka chnong ka chnong ym chah wow mih ki napoh ka chnong wei kiwa na baar ka chnong ym chah wow psiah ki cha ka.

Ka District Magistrate ka East Khasi Hills won da pynbna Micro Containment Zone ko nadooh ka 16 tarik uni u bnai ya ki yung ka Moonlight wa Mina Chettri wa Starly Wanniang ha Lower Mawprem kiwa em ha i thaw ka Bertimon Mairom, Lawmali Pyllun, Block-II, Shillong neidaw wa em wa yoh COVID-19, yow ye u leh ya iwa emkaam yow yada nei poor uni u khñiang kamjooh yow khang yei psiah i mih wa khlem yoh bor cha kini ki thaw.

Ynne ka 17 tarik won da pynbna Micro Containment Zone ya i yung ka S. Roy, Harisabha, Laban wa i Flat No. 9 (Second floor), P. M. Cottage, Laban East Road.

Ka District Magistrate ka East Khasi Hills da pynmih hukum ko yow pyndam pynman Containment Zone ya ki yung u Roshan Ali, Altaf Hussain, Asmad Alam wa Zalim Alam kiwa em ha Suleiman Compound, Lumdiengjri wa ki yung ka Brina Mawrie, ka Adeline Kharkongor waka Baiamonlang Khongwir ha Pohktieh, Nongthymmai, i yung ka Tina Warjri ha Khliehshnong, Malki, i yong ka Mano Lyngdoh ha Lawjynriew Rngi Rum, i yong ka (L) Minati Chakraborty, Laban Last Stop wa em hajan Purbasha Guest House, ki yung ka Dr. Syrpailang Kharlukhi ha Dhankheti, Malki, i yong u Bernadino Mawkhiew ha Chinapatty, Malki, i yong ka June Dkhar ha Lawjynriew, Rngi Neng, i First wa Second Floor i yung (Building) u Dr. A.K. Das wa em hajan Hope Clinic, Pine Mount Ridge, Laban wa i yung u Joginder Singh uwa chong wai u Mohan Veer Kaur, AGYA Cottage, hajan Meghalaya Guardian Office, Lower Lachumiere.

Share this:
Previous

Pynkup burom ka Seinkur Suchiang ya u Kalbod Suchiang uwa e sñiawbha da i thaw

Next

101 ngut ngut kiwa dang yoh wa 298 ngut kiwa dang chait na u COVID-19 ha Meghalaya