Jowai: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang kiwa yachem wa kiwa yoh ya oo, da emkaam wow booddien ya kini, yow khangkset, u leh yaki Test wa kiwi kiwa emkaam yow yada yaki paidbah nei poor uni u khñiang.
U District Magistrate, West Jaiñtia Hills da pynmih hukum u ynne ka 12 tarik yow pynbna ya i yung wa i thaw ka Mila Sumer, Ribha Sumer, Ne Shylla, Ongphi Kynjin wa em ha Panaliar, Jowai kam ki Micro Containment Area chi syndon yow khang yei psiah i mih wa khlem yoh bor cha kini ki thaw.
Kani ka hukum da khang ko yaki bru kiwa na baar kini ki thaw pynman Containment Area wow psiah cha kini ki thaw, kiwa em hapoh kini ki thaw wow neh bait ki hapoh yung.
Kani ka hukum da khang ko wow pynman ya kiwon kiwon ki yalang paidbah, u wai yaki dukan, ki yung krehkaam sorkar lane ki yong ki bru samen wa em ha kini ki thaw.
U Assistant Sector Magistrate, Jowai Urban u man u kam u Supervising Officer kani ka Micro Containment Area.
Kani ka hukum ym em khang ko ya ki wakreh Health, ki wakreh ka Jowai Municipal Board, ki wakreh laad pathai khubor, ki Petrol Pump wa kiwa li booh tadong LPG.
Ya kiwa leh pyrchah daw pynchitom katkam ka Disaster Management Act, 2005 wa IPC.