Shillong: Neidaw wa em kiwa yoh COVID-19 wei yow ye u boddien ya kiwa em hei maa kamjooh yow yada yaki paidbah nei poor kani ka khlam.
Ka District Magistrate, East Khasi Hills District da pynmih hukum ko yow pynman Micro Containment Area ya waroh kawi ka J.B. Textile Building wa em ha Police Bazaar, i Qtr No-P11/3B, GPO Quarters wa em hapoh ka GPO Compound wa i Campus ka Ram Krishna Mission wa em ha Sohra yow khang yei psiah i mih khlem yoh bor na kini ki thaw.
Ha kawi won ka hukum da pynbna Micro Containment Area yaka Flat No-North 207/208, Ferndale Complex wa i Bolinda Kharshandi Compound wa em Riatsamthiah.
Da pyndam won ya i man Containment Area ya i yung u Binod Khemka, Ferndale Apartments, E-107, IGP wa i yung u Asish Dhar ha Upper Jail Road wa em hajan i Gini’s Complex, i Ramon Cottage wa em Oakland chisyndon kamjooh yaka Laban State Dispensary, Shillong kawa ye u pteiñ biang yei krehkaam.