15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynbna Night Curfew biang ha East Khasi Hills

Advertisement ad1
Advertisement ad1

Shillong: Kam chibynta wow yada naka khlam COVID-19 hapoh ka jylla, ka ri kamjooh hapoh ka pyrthai, yow ye leh wow pyndooh ya kani ka khlam, yow ye u leh yaka Contact Tracing, Testing, Quarantine wa kiwi kiwa emkaam. Ka District Magistrate, East Khasi Hills District da pynmih hukum ko haka 2nd August, 2020 hapoh Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 da pynkrehkaam yaka Night Curfew ha East Khasi Hills District nadooh ka 3rd August, 2020 hadooh ka 10th August 2020, neibynta i por 09:00 PM hadooh 5:00 AM man-ka-sngi.

Ka District Magistrate da pyntip ko wa kani ka hukum ym krehkaam ko yaki chipai, ki wakreh hei chait i khiah kiwa leh yei kaam yong ki, ki Wholesale wa Retail Pharmacy, ki pulit, Fire & Emergency Service, MeECL, NEEPCO wa Power Grid, Food & Civil Supplies Department, FCI, PWD, PHE, Shillong Municipal Board, Postal Service, Telecom, Communications & IT Services, ki laad pathai khubor, ki Petrol Pump wa kynthup yaka Indian Oil Corporation, ki thaw sumaar kam ki Hospital, Clinic, Dispensary, Veterinary Clinics, Labs, Online/Home Food Delivery. Ya kiwa leh yaka Home Delivery (Food) u chah u krehkaam ki hadooh 10:00 PM. Ki thaw chna kari wa kiwa dai kari (Spare Parts) ka Health & Family Welfare Department, ki wakreh sorkar kiwa leh yei kaam yong ki wa ki wakreh ki Corona Care Centre.

Advertisement ad1
Advertisement ad1

Kini waroh hap ki wow bood thij yaki kyndon sorkar kam yaka Social Distancing, i pynduna yaki bru wakreh yong ki wa kiwi de ki kyndon wa da pynmih daka Health and Family Welfare Department, khlem pep.

Chah hi yei lai i wan ki kari wa kit yaki mar wa emkaam, kiwa kit chipai, ki tiar sumaar sukher, ki thaw chna kari leh toh kiwa lait na kani ka hukum. Kiwa yah kari wa kiwa yarap yaki hap ki wow leh yaka Medical Screening katkam ki kyndon.

Yaki Curfew Pass neibynta i por 09:00 PM hadooh 5:00 AM nadooh ka 3rd August, 2020 hadooh 10th August, 2020 ye wow yoh lyngba ka Online Application ha www.eastkhasihills.gov.in.

Share this:
Previous

U thung kreh ka sorkar ya kiwa liwan na baar jylla kiwa jooh kreh ha i chait i khiah

Next

Ym ap ya kiwon kiwon kiwa pyndooh mynsien ha kani ka thma pyrchah yaka khlam: Dr. A. War