theme-sticky-logo-alt
theme-logo-alt
Advertisement ad1

Da pynbna pynman Micro Containment ya ka Barato-A

Advertisement ad1
Advertisement ad1

U DC ka West Jaiñtia Hills District da pynmih hukum u ynne ka sngi yow pynbna ya ka chong Barato-A kawa em hapoh Laskein Block wow man ko kam ka Micro Containment Area hadooh wa pynmih hukum da kamwi.

Ya kani ka hukum da pynmih neidaw wa em kiwa yoh COVID-19 kamjooh kiwa em hei maa wow yoh ya uni u khñiang wei yow ye wow leh ya ki Test, ki phah chong kset, i booddien wa kiwi de yow ye u kdoh u khoom yei poor ka khlam.

Advertisement ad1

Ka hukum da khang ko yei mih wei psiah chapoh kani ka thaw khlem da yoh bor wei kiwa em hapoh kani ka thaw wow neh bait ki hapoh yung.

Waroh ki dukan, ki khayi pateiñ, ki yung krehkaam sorkar wa ki yong ki bru samen wa em ha kani ka thaw u man ki kiwa khang. Ym chah leh wow pynman ya kiwon kiwon ki jait yalang paidbah.

Ki kari wa lai luti ym khang ya ki tangwa ym toh u sangeh ki hapoh kani ka thaw wa man Containment.

U Incident Commander u man u kam u Supervising Officer kani ka thaw yow pait yei pynkrehkaam ya ka hukum.

Kani ka hukum ym krehkaam ko ya kitu kiwa kreh ha ki kaam sumaar sukher, ki bru wakreh u DC wa kiwi ki chnat sorkar kiwa leh ya ki kaam wym hoi u dam, ki laad pathai khubor wa kiwa li booh tadong LPG.

Ya kiwa leh pyrchah daw pynchitom katkam ka aiñ Disaster Management Act, 2005 waka IPC.

Share this:
Previous

Da chah wow wai ki thaw dai kiad ha West Jaiñtia Hills

Next

Da pyndam yei pynman Containment ya ka Dulong deiwa pteiñ ya ka Loomsuwe