Shillong: Neidaw wa em wa yoh COVID-19 kamjooh wa em kiwa em hei maa wow yoh ya uni u khñiang wei da emkaam wow leh yei booddien, ki Test wei wow khangkset yow yada yaki paidbah nei poor uni u khñiang.
Ka District Magistrate, East Khasi Hills District da pynmih hukum ko ynne ka 10 tarik yow pynbna Micro Containment Area ya i Quarter No-MES 204/4 ka Rhino Cantonment Area, i yung (Apartment) u Kmalendu Roy uwa chong wai u Manaf Bindra Ghosh Building ha Rilbong pyrchah ya i O. B. Tariang Building, i Top Floor i yung ka Daphira Synrem, Bishnupur Inverneil hajan Circuit House wa i Apartment u Jibotosh Bhattacharjee uwa chong wai ha Dr. Phanbuh Building, Bishnupur Inverneil yow khang yei psiah i mih khlem yoh bor cha kini ki thaw.
Ha kawi won ka hukum, hadien wa da dep wow leh yeiwa emkaam wei da yoh yaki Report, ka District Magistrate, East Khasi Hills District da pynmih hukum ko ynne ka sngi yow pyndam noh yei pynman Containment Area ya i yung u Shubhashish Dhar ha Jail Road Bazar, i yung u Dylan B. Syiem ha Nongpyngrope, Malki wa i yung u Wanlamphrang Kharmujai, Umshyrpi hajan Malki Ground, Malki chi syndon.
