Ki bor sorkar ha Bangkok da pynbna ki da ka Emergency ha waroh ki 50 District ka nongbah ka ri Thailand hadien wa em i chlai-um nei wan u slap wa joor la 48 kynta.
U Governor ka Bangkok, u Chadchart Sittipunt da ong u wa da hiar u slap 300 millimetre (11.8 inches) nadooh wa dep ka 23 tarik iwa da ktah bha ya ki dooid wa ki liar ha ka sor.
Ka um kawa kynjoh hadooh ha tympong da ktah ko ya ki yung, ki dukan wa kiwi ki thaw khamtam ki thaw wa man madan.
Ki thaw wa chah ktah joor bha toh ha thaaiñ mihsngi ka Bangkok heiwa ki sarok da man kiwa dap um.
Da pynkhreh leh ya ki thaw sah chipor ya kiwa chah ktah khamtam kiwa chah sumaar wa kiwa da heh rta.
Ka Thai Meteorological Department (TMD) da maham ko leh wa u slap daw pteiñ u hadooh ka Sunday ka 27 tarik.
Discussion about this post