Da pynbna ya ka Result kiwa yaleh kreh LDA Cum Typist ka DSC

Ka Result ka Written Examination neibynta i kreh LDA Cum Typist wa pynman da ka District Selection Committee (DSC) ka East Jaiñtia Hills District ha ka 28-09-24 da pynbna noh ka.

Kini ki Roll Number kiwa da chah jied daw hap ki wow yaleh sa kiwi ki Exam chwa wow chah khut yaleh Personal Interview.

Nyngkong daw hap yaleh ki ya ka Typing Speed Test kawa daw pynman ha ka 06-03-25 ha Jaintia Eastern College, Khliehriat heipor 10:00 waje i step. Wei hap wow pait haka District Website neipor cheipor yow tip chaphang ka e-Admit Card neibynta kani ka Typing Test.

Related posts

Mih ki hajar ngut ki paaid ka chnong Jowai dei chit mynsien yow pdiang ya u snem thymme

January 1, 2026

Chah dung wei chah thang sa uwi u Hindu ha Bangladesh

January 1, 2026

Da pyntip leh wa katkam wa phah da ka Office Memorandum No. PER(AR).25/2022/24, Dated 24^th July, 2023 wa pynmih da ka Personnel & Admv. R (B) Department ka sorkar Meghalaya. Kini kiwa da chah jied wow yaleh ya ka Typing Test Written Exam, daw hap ki wow yaleh ya ka Qualifying Paper wa tip kam ka Knowledge of Local Language (Khasi Language, Total Marks 50 Marks) ha ka 06-03-25 heipor 2:00 waje i sngi ha i thaw pynman ha Jaintia Eastern College, Khliehriat.

Du kitu kiwa chah jied hadien wa pyndep ya ka Typing Test wa Language Test daw chah khut ki wow chimbynta ha ka Personal Interview katkam ki kyndon ka DSC.