Hadien wa pynmih ya ka hukum ha ka 13 tarik heiyatoh wa ka khlam ki sniang namo ka Protocol for Prevention and Control of African Swine Fever (ASF) khamtam wa em ki sniang wa yoh ya kani ka kjut ha East Khasi Hills District kamtæ ki bor district da leh ki yeiwa emkaam khnang wow khang nei poor kani ka khlam.
Da pynbna ya ka chnong Nongmynsong-Umkdait, Mawlai Mawdatbaki, Mawshbuit Nongrim, Sohiong Krang kam ki Containment Area wow yada nei poor kani ka khlam.
Chooh chooh da pynmih ya ka hukum wow khang u rah sñiang chapoh namo cha baar ki ‘Infected Zone’ hapoh 1 km talawiar soodong (radius) kini ki thaw wa chah ktah.
Da khang wow tynyap wei wow dai doh sñiang hapoh 1 km yong ki Infected Zones.
Da khang wow khayi næ chalan sñiang hapyrdi ki jylla wa ki district, da kyntu leh ya ki paidbah wow man kiwa lehkhooid wei wow dam u psiah chapoh ki phylloh sñiang.
Chooh chooh daw chah ya ki kari wa wan na ki thaw wa chah ktah du hadien wa pynkhooid ya ki, ki jakhlia wa mih na ki thaw tynyap sñiang toh u tlep ya ki wei wow pynkhooid ya ki soodong ki thaw wa tlep ya ki.
Emkaam wo pynsñiawthooh ya kiwa psan sñiang, kiwa dai doh sñiang, heiyatoh wa ka ASF da ki RRT.
Daw thung ya ki Veterinary Officer ha ki COVID Management Committee ki chnong wow yaleh u khang nei poor kani ka khlam.
Ki Rapid Response Team yong ka Veterinary Department u leh yeiwa emkaam heiyatoh wa kani ka khlam.
Kiwa leh pyrchah yeini daw pynchitom ya ki katkam ki kyndon ka aiñ.
