Jowai: U District Magistrate, West Jaiñtia Hills da pyntip paidbah u wa ka khayi ha khappood (Border Trade) wa ka Bangladesh lyngba ka Land Customs Station, Tamabil, Dawki u sdang biang i nadooh ka 17 tarik uni u bnai deiwa bood thij ya ka Standard Operating Procedure katkam wa pynmih da u Commissioner & Secretary to the Government of Meghalaya, Commerce and Industries Department.
Kani ka hukum leh da ong ko wa ki kari wei por wow psiah cha kani ka thaw u man i katkam ki kyndon wa da booh da ka Additional Deputy Commissioner, in charge Amlarem (Civil) Sub-Division
Chooh chooh ka Border Trade COVID-19 Management Committee chirup wa ka Additional Deputy Commissioner I/c Amlarem Civil Sub-Division kawa man kam ka Chairperson u booddien ki ya i krehkaam ya ki SOP wa da booh da ka sorkar.
Heijooh i por u District Magistrate da phah u ya waroh wow bood ki thij ya ka Standard Operating Procedure (SOP) wa kiwi ki kyndon wa da booh da ka chnat i chait i khiah wa ka Ministry of Home Affairs, Government of India.