15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynbna ya ki kyndon lehkmen Christmas wa snem thymme ha West Jaiñtia Hills

Advertisement ad1

Jowai: Deiwa bood ya ka hukum wa pynmih ka sorkar heiyatoh wa ki kyndon heipor ka lehkmen Christmas wa ka lehkmen snem thymme, u District Migistrate, West Jaiñtia Hills da pynbna u ya kini ki kyndon ha wah:

I pynman ya ki yaseiñ kiwa yatoh waka Christmas/New Year wa kynthup ya ki Midnight Service heipor Christmas wa New Year, ye wow leh deiwa bood ya ki kyndon namo ki SOP kiwa da pynmih chwa heiyatoh wow wai noh ya ki yung mane.

I rukom pynman yaseiñ toh deiwa pynman kajiak chisien namo deiwa booh jar jiar i por ha ki yung mane.

I pynman yaseiñ cha lait ha pchem ki yung mane ye hi wow leh deiwa em hapoh 200 ngut ki bru.

Heiyatoh wa i lai Carol wa Procession ym chah deiwa em kiwa lai luti wei heithaw ini, ya i leh Carol toh u pyndep hapoh ki thaw wa em ka yung mane lane ha ki Hall kiwa da dep jied du para dkhot donhi ym toh deiwa yakhleh deiwa bood leh ya ki kyndon ka Social Distancing kiwa da dep pynbna chwa da ka Home (Political) Department, Govt of Meghalaya vide Order No. POL.75/2020/Pt.I/69, Dt. 25-09 2020.

Ym chah wow pynman ya ki khawai yong chnong.

Kiwa em 65 snem chaneiñ, kiwa punkhon, kiwa em kjut chwa, ki khynnah wa hapoh 10 snem u neh bait ki hapoh yung.

Ya iwon iwon wa pynman kiwa yatoh waka Christmas kamjooh ki lehkmen snem thymme hap wow paan bor chwa na u Deputy Commissioner, West Jaiñtia Hills District, Jowai.

Share this:
Previous

Siat ki BSF ya arngut ki damok na Pakistan wei da yoh leh ya ki tiar siat

Next

69 ngut kiwa dang yoh wa 70 ngut kiwa dang chait na u COVID-19 ha Meghalaya