U DC ka Eastern West Khasi Hills District, da pyntip u wa hadien wa yoh ya ka bui (Report) na u Sub-Divisional A.H & Veterinary Officer, Mairang da pynbna ya ki chnong Nongkseh, Sohjarang wa Rud Umtrew kiwa em hapoh ka Mairang C&RD Block kam ki Surveillance Zone.
Yeini da leh hadien wa da pynbna ya ka chnong Umshorshor wa em ha Umsning Block, Ri-Bhoi District kam ka thaw wa sdang namo ka Epicentre ka kjut African Swine Fever iwa man i kjut sñiang.
Wei katkam ki kyndon wa pykhreh da ka Ministry of Fisheries, Animal Husbandry & Dairying ka sorkar India waroh ki chnong wa em hapoh 10 Km na i thaw wa sdang ini i kjut toh u man ki kam ki Surveillance Zone.
Ini mut wa da khang wow sai ya ki sñiang napoh kani ka Surveillance Zone kamjooh wow rah na kawi ka District cha kawi kamjooh pyn hapoh ka District.
Ki sñiang wa yap hap wow tlep bha deiwa tymmoh da u chuni wei ym toh wow noh chapoh ki um ki wah.
Ki jakhlia wa mih na ki thaw choh doh kamjooh ki thaw dai doh toh u tlep deiwa yillu bha wa kiwi de ki kyndon.
Puræ leh: Pyntikna ka sorkar wa em ka African Swine Fever ha ki sniang wa em ha chnong Umshorshor
