theme-sticky-logo-alt
theme-logo-alt
Advertisement ad1
Advertisement ad1

Pyntikna ka sorkar wa em ka African Swine Fever ha ki sniang wa em ha chnong Umshorshor

Advertisement ad1
Advertisement ad1
Advertisement ad1

Ka chnat Animal Husbandry & Veterinary ka jylla Meghalaya da pyntip ko wa hadien wa phah Test ya ki nongmuna wei da yoh ya ka Result naka North Eastern Regional Disease Diagnostic Laboratory, Animal Husbandry & Veterinary Department, Khanapara, Guwahati da pyntikna wa em ki sniang wa da yoh yei kjut African Swine Fever ha ka chnong Umshorshor, Umsniang Block Ri-Bhoi kawa man leh kam i thaw wa sdang ini i kjut.

Kamtæ katkam ka National Action Plan yow kdoh u khoom wei wow pyndooh ya ini i kjut African Swine Fever wa da pynkhreh da ka Ministry of Fisheries, Animal Husbandry wa Dairying ka sorkar India, ki bynta wa jngai palat 1 Km na kani ka chnong kamjooh ka chnong da pynbna kam ka ‘Infected Zone’ namo ka thaw wa e mini i kjut wei ki chnong wa em hapoh 10Km na u pood kani ka chnong u man ki kam ki “Surveillance Zone”.

Advertisement ad1

Hapoh kini ki Infected Zone

  1. Ym chah ya ki sniang wa dang im, ki baam sniang, i doh sniang kamjooh kiwon kiwon ki baam wa chna na ki sniang wow mih ki napoh kini ki Infected Zone wa kynthup leh ya ki tiar ki tar wa pynemkaam hawa ri sniang, ki dawai sniang wa kiwi kiwi.
  2. Ki tre sniang toh u man ki kiwa lehkhooid wei ym toh wow chah ki yaki bru wow psiah cha kini ki thaw wei ki bru wa tba wa pait ya ki sniang ym toh wow lai ki na kawi trep sniang cha kawi.
  3. Lada yaki sniang da e baam da iwa da noh wa tam ki bru hap wow thooh tre ya i thaw wa chim ya kini ki baam yow lait nei poor ini i kjut.
  4. Ya ki sniang wa yap ym chah wow sai ki cha baar i thaw wa yap ki wei toh u tlep pyn ha ini i thaw wa yoh kjtu ki. Deiwa tih yei thlu wa yillu dep te tymmoh da u chuni chiboon.
  5. Ym chah wow pynyap sniang hapoh kini ki Infected Zone wei wow dai ya i doh sniang
  6. Ym chah wow e baam sniang da ki baam wa tam na yung bru wa ki Restaurant.

Hapoh ki Surveillance Zone ym chah wow wanrah ya ki sniang kiwa napoh ka Infected Zone, tangwa ki sniang kiwa da em chwa hapoh ki Surveillance Zone ye hi wow kit ya ki du hapoh ki Surveillance Zone donhi tangwa ym chah wow kit wow challan na kawi ka District cha kawi kamjooh cha kiwi ki jylla.

Share this:
Previous

Da sdang saam ya ki M-Tab cha ki khynnah skur ha West Jaiñtia Hills

Next

Da pynman ya ka Annual Meeting ka Seiñkur Suchiang