15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da pynbna ya waroh ki Team haka MSL 2019

0 Comments
Advertisement ad1

Shillong: Ki Captain waki Manager ki wow chimbynta haka Meghalaya State League (MSL) 2019 da ya emlang ki ynne ka sngi ha Shillong kam chibynta wow pynkhreh ya ka sngi wow sdang.

Ynne ka sngi da pyndep leh yaka yakhun Final ha Amlarem kawa da jop daka Umladkhur SC. Ka Druma Sandruma da jop Final ko na Tura haka 22 tarik.

Waroh ki 21 tylli kattu u kyruiñ ki cha ka yalehke wa nyngkong ka wow pynman haka 27 tarik uni u bnai ha Mawkyrwat hapyrdi ka Mawkohphed SC waka Rangdajied United FC ha Mawkyrwat heipor 1:30 i sngi. Daw wan wai pyrda da u Minister of Sports & Youth Affairs u Banteidor Lyngdoh.

Ynne ka sngi da em leh kiwa mihkhmat na ki thaw wow pynman ya ka MSL 2019 kiwa ha Jowai, Khliehriat, Mawkyrwat wa Resubelpara, deilang wa ki Referee.

Ki Manager wa kiwa mihkhmat ya ki thaw yalehke da batai yaki da u CEO ka Meghalaya Football Association u Arki Nongrum wa u MSL 2019 Tournament Director u Wanshanbor Kharkrang chaphang ki kyrdan wa bha tam wow pynman ya ki yalehke, i rukom pynlai yaka yalehke wa kiwi kiwi de ki kaam.

Group A (Venue – Jowai): Shillong Lajong FC, Lawbah SC, Lumniwar SC, Royal FC, Umkaber SC, Umrit SC.

Group B (Venue – Khliehriat): Sutnga SSCC, Jalaphet Bri-Sumer FC, Mynthong SC, Iatyllilang Lumsehkot SC, Umladkhur SC.

Group C (Venue – Mawkyrwat): Mawkohphed SC, Nondaju Seng Samla SSCA, Rangdajied United FC, Madan Bynther SC, Khliehmawlieh Youth Club.

Group D (Venue – Resubelpara): Resu Conventus FC, Salaram FC, Druma Sandruma SC, Garo Warriors FC, Niaw Wasa FC.

Advertisement ad1

0 Comments

Leave a Reply