Jowai: Neidaw wa em wa yoh COVID-19 ha PHE Quarter, Khimmusniang, Jowai iwa em hajan PHE Office Rural Water Supply Division, Jowai kamjooh wa em kiwa em hei maa wow yoh ya uni u khñiang wei yow ye u leh yeiwa emkaam yow yada nei poor uni u khñiang.
U District Magistrate, West Jaiñta Hills da pynbna u yaka PHE Quarter, Khimmusniang, Jowai kawa em hajan ka PHE Office Rural Water Supply Division, Jowai wow man ko kam ka Containment Area nadooh pyrdi synyaw ka 14 tarik uni u bnai hadooh wa pynmih hukum da kamwi.
Ka hukum da khang ko ya ki bru kiwa na baar wow psiah cha kini ki thaw kamjooh kiwa em hapoh kini ki thaw wow mih ki cha lait.
Da khang leh wow pynman ya kiwon kiwon ki yalang, u wai ya kiwon kiwon ki dukan wa ki yung krehkaam yong sorkar kamjooh ki bru samen hadooh wa pynmih hukum da kamwi.
Ya iwa emkaam wow thied daw pynbiang da ki bru ki bor wa pynlai District.
Ya kiwa leh pyrchah daw pynchitom katkam ka aiñ Disaster Management Act, 2005 waka IPC.