Shillong: Neidaw wa em wa yoh COVID-19 kamjooh wa em ki bru wa em hei maa wow yoh ya uni u khñiang, wei yow ye u leh yei booddien (Contact Tracing), Quarantine, Testing wa kiwi kiwa emkaam yow yada yaki paidbah nei poor u COVID-19.
Ka District Magistrate, East Khasi Hills District, da pynmih hukum ko haka 16th August, 2020 yow pynbna ya i yung (Building) ka Adentis Lyngdoh, Lawsohtun Block- IV (Main Road), i yung (Cottage) ka Swarnalata Kutir, House No. 312, C/o Kanai Lal Dey, Near Nepali UP School, Mynsain, Lower Lumparing wa i yung u B. Marbaniang, Riat Laban East, Madan Laban kam ki Containment Area nadooh ka 16th August, 2020 yow khang yei psiah i mih chapoh kini ki thaw khlem da yoh bor.
Ka hukum da khang ko ya ki paidbah wow psiah cha kini ki thaw wei kiwa em hapoh kini ki thaw wow neh bait ki hapoh yung.
Da khang wow pynman yaki yalang paidbah, u wai yaki dukan, ki yung krehkaam sorkar kamjooh yong ki bru samen wei ya kiwa emkaam daw pynbiang da ki bru ki bor District.
U Incident Commander, Zone-II, u man u kam u Supervising Officer kini ki thaw wa pynman kam ki Containment Area.
Kani ka hukum ym krehkaam ko ya ki wakreh ha i chait i khiah, Shillong Municipal Board, ki laad pathai khubor, ki Petrol Pump wa kiwa li booh kum LPG.
Ya kiwa tyngkheiñ yaka hukum daw pynchitom katkam ka aiñ Disaster Management Act, 2005 waka IPC.
