Shillong: Hadien wa da dep wow leh yeiwa emkaam deiwa booddien ya kiwa em hei maa wow yoh ya u COVID-19 kamjooh da yoh ya ki Test Report, ka Deputy Commissioner, East Khasi Hills District da pynmih hukum ko ynne ka 3 tarik yow pyndam noh yaka hukum pynman Continment Area ya i dukan R.K. Bros, Keating Road, Shillong nadooh ynne ka sngi wei da ye biang wow wai ya ini i dukan deiwa bood ya ki kyndon wa da pynmih daka Health and Family Welfare Department.
Kamjooh hadien wa da dep wow leh ya iwa emkaam, da pyndam yaka hukum pynman Contianment Area ya ka Mathura Compound wa em ha Jhalupara nadooh ka 2 tarik uni u bnai.
Da pyndam leh yaka hukum pynman Contianment Are ya i yung ka Nirmal Ghosh wa em ha Rilbong, Shillong nadooh ka 2 tarik uni u bnai.
Tangwa ya i yung ka Shipra Paul wa em ha Rilbong, Shillong u pteiñ u man ki kam i Containment Area.