Da pyndep ka AJSU ya ka yaleh Semi Final yong ka 6th Jaiñtia Meet Football 2017

Shillong: Ka lympung yalehke Football Tournament wa pynman ka seiñ All Jaiñtia Student Union (AJSU) Shillong Circle ynne ka sngi ha Madan Jingkieng Nongthymmai wa tip kam ka 6th Jaiñtia Meet Football 2017 da pyndep ya ka Semi Final.

Ka yalehke wa nyngkong ka Rymbai FC da jop ko ya ka Friendly Federation da 1-0 katwa ka yalehke wa ar won ka Jar i Sap da jop ko yaka Ummulong FC da 5-0.

Ka seiñ da pynbna paidbah ko wa yaka Final da kynriah tarik na ka 16 tarik cha ka 15 tarik uni u bnai.

Ka yalehke neibynta i naam wa le ka Ummulong FC pyrchah yaka Friendly Federation toh heipor 11:20 waje i sngi, katwa ka yaleh yei naam jop toh hapyrdi ka Rymbai FC pyrchah ya ka Jar i Sap FC heipor 1:00 i sngi.